Хайр гэдэг...

Хайр гэдэг үг хорлол байж мэднэ

Хамгийн гүнзгий гэтлэшгүй цүнхээл байж мэднэ

Хайр гэдэг чухамдаа нулимс юм, энэлэл юм

Хайрын төлөө хүмүүс хадаг шиг сэмрээд үгүй болдог

Хайр гэдэг чухам хууралт байж мэднэ

Хэн нэгэн толь тусгаад эрхлэж байж мэднэ

Хайр гэдэг үнэндээ урам хугаралт, даль мухардалт

Хайрын нэрээр хүмүүс нэгнээ тасчин үгүй хийдэг.

Хуучин дурсамж

Энд би яг тань шиг, харцандаа гуниг тэвэрсээр

Энд, тэнд сэрвэлзэх шувуудын салхинд чих тавьж

Эргээд харахын зуурт залуу насаа үрчихээд

Ийм удаан яагаад, юу эрснээ ч ойлгоогүй

Ивлэх халуун харууслыг үгс л орлох

Этгээд атлаа хүйтэн, холын эр байлаа

Үнэхээр би яг тань шиг, үүлнээс үнэн эрж

Өдөр бүхэн дальдчих альхан зуурын итгэлээ

Өөр шигээ нэгэнд гэнэ сэрэггүй тулгачихаад

Хэрхэн гэм хийснээ хэзээ ч ухаараагүй

Хөрөг зураг мэт гашуун бахдал төрүүлэм

Хөөрхийлөлтэй гэнэн, хөгшин эр байлаа.

Өнөөдөр

 

гэнэт хавар эхлэх...гуниглаж өнгөрөөсөн өвөлдөө харуусах...

Бодлыг минь хөндөлгүй ургасан өвс чамдаа...

Хэлэх үг зөндөө байвч хэл ороогоод гарч өгдөггүй. Сайнаасаа муу нь хэтийдсэн эгчийгээ дөвийлгөж хөөргөдөг, ойлгож уучилдаг, өргөстэй үгийг нь ёо гэлгүй шингээж өөдөсхөн биеэрээ авран хамгаалдаг... миний муухай дүү сайн яваад, санасанаа гүйцээгээд тэгээд л ир.